كتبت : نور الصباح
طول الوقت بنشبع نفسنا بالافكار السلبية اصل الوقت مش مكفي اصل انا مشغول جدا اصل الاولاد اصل الشغل اصل المواعيد اصل انا هابدا بس من بكرة طبعا طبعا هانظم وقتي
وجه بكرة ولا نظمنا وقتنا ولا خلصنا كل اللي ورانا
تعالوا كدة نحسبها من غير ارقام هاقولك واحسبها انت
بتاكل في وقت اد ايه طيب بتتكلم فون في وقت اد ايه طيب بتدخل الحمام في وقت اد ايه كمان بتنام كام ساعة وال tvكام ساعة والسوشيال ميديا كام ساعة بالله عليكم قولولي ياترى انت فين من الوقت اللي بيضيع من عمرك دا انت فين من كل دا فين وردك اليومي فين وقت القراءة فين وقت الرياضة فين وقت الدكتور لو انت تعبان من حاجة للأسف بنسيب حاجات ملحة زي دكتور السنان علشان حاجات غير ملحة زي السوشيال ميديا او مشاهدة التلفزيون فين وقتك لنفسك اه هاتقوللي كل دا وقت لنفسي تمام جدا معاك طيب ليه لما بقولك مارس رياضة تقول مفيش وقت مارس تمرين التامل مفيش وقت لازم تنام نوم كافي مفيش وقت
مهم جدا تقدم الامور المهمة والملحة على الامور غير المهمة وغير الملحة
الامور المهمة والملحة زي طبيب الاسنان
الامور غير المهمة والملحةزي ضرورات الحياة الاكل مثلا
الامور المهمة وغير الملحةزي الرياضة والقراءة
الامور غير المهمة وغير الملحة زي TV الفون النوم الزيادة
مهم انك تبدا يومك وانت عندك مخطط هاتقدر تنفذه
بشرط يكون المخطط دا مرن
مهم جدا مراعاة تنظيم الوقت والهدف من تنظيم الوقت
تحقيق التوازن بين حاجات الروح والجسد والعقل وكمان التوازن بين الشغل والبيت
اثبتت الدراسات ان الذهن يكون في اصفى حالاته في ساعات الصباح الباكر ( اللهم بارك لامتي في بكورها)
الناجحين بيحرصوا على الاجازة حرصهم على العمل لتجديد النشاط
نظم وقتك هتلاقي زيادة في الانتاج خطط لوقتك هتلاقي بركة وانجاز وهاتتتمتع بوقتك ومش هايكون في عندك زحمة وقت
